სალაროს დახურვა: დღის ნაღდი, ინკასაცია, X- და Z-რეპორტი

გვერდი „სალაროს დახურვა“ („დღე იხსნება ავტომატურად — დახურვისას დაითვალეთ ნაღდი და გამოიტანეთ Z-რეპორტი“) აჯამებს სავაჭრო დღეს. ის ყველა თანამშრომლისთვის ხელმისაწვდომია; „დახურული დღეების“ სიას ადმინისტრატორი და მენეჯერი ხედავენ.

დღის გახსნა

დღე იხსნება პირველივე ოპერაციით (პირველი გაყიდვა, ნაღდის შემოტანა ან ამ გვერდის გახსნა). საწყისი ნაღდი — წინა დღის დათვლილი ნაღდი (ან მოსალოდნელი, თუ არ დაითვალეს).

მაჩვენებლები

მოსალოდნელი ნაღდი = საწყისი ნაღდი + ნაღდი გაყიდვები + ნისიის გადახდა − ნაღდი დაბრუნება − ხარჯები − მომწოდებლების გადახდა ნაღდით + შემოტანა − გატანა.

ყურადღება: „ხარჯებში“ ჩაწერილი ყოველი ხარჯი ამ დღის ნაღდს აკლდება — ხარჯის ფორმაში ბანკის / ნაღდის არჩევანი არ არის. ბანკით გადახდილ ხარჯს (ქირა, კომუნალური) „ხარჯებში“ ნუ ჩაწერთ — გაატარეთ ის ბუღალტერიაში (თავი ბუღალტერია); თორემ დღის დახურვისას ნაღდი „დაგაკლდებათ“. ასევე ყოველი ვალის გადახდა კლიენტისგან ნაღდად ითვლება (თავი კლიენტები და მომწოდებლები).

ნაღდის შემოტანა და გატანა

უფლებით „ნაღდის შემოტანა / გატანა“: „ნაღდის შემოტანა“ (მაგ. ხურდა დილით) ან „ნაღდის გატანა“ (ინკასაცია, წვრილმანი შესყიდვა) → „თანხა (₾)“ და „მიზეზი / კომენტარი“ → „დადასტურება“.

X-რეპორტი

„X-რეპორტი“ აჩვენებს დღის მიმდინარე მდგომარეობას დახურვის გარეშე: ჩეკები, ბრუნვა, ფასდაკლება, დღგ, დაბრუნება, ნაღდი / ბარათი / ნისია, საწყისი ნაღდი, ნისიის გადახდა, შემოტანა / გატანა, მოსალოდნელი ნაღდი და (რამდენიმე გამყიდველისას) თითოეულის ბრუნვა. „ბეჭდვა“ — ჩეკის პრინტერზე.

დღის დახურვა ნაბიჯ-ნაბიჯ

უფლებით „დღის გახსნა / დახურვა“:

1. „დღის დახურვა“ — ფანჯრის თავში „მოსალოდნელი ნაღდი“.
2. დაითვალეთ უჯრა: „კუპიურების დათვლა“ (100, 50, 20, 10, 5, 2, 1 ₾ და თეთრები) ან „სწრაფი თანხა“ — „დათვლილი ნაღდი (₾)“.
3. პროგრამა აჩვენებს: „ზუსტად ემთხვევა ✓“, „ზედმეტი: …“ ან „დანაკლისი: …“; საჭიროებისას — „შენიშვნა“.
4. „დახურვა“. სხვაობისას პროგრამა დამატებით გკითხავთ („დათვლილ ნაღდსა და მოსალოდნელს შორის სხვაობაა … ₾. დავხუროთ მაინც?“).
5. იხსნება Z-რეპორტი ნომრით → „ბეჭდვა“.

სანიმუშო მაღაზიის 3 ოქტომბრის დღე (Z-00012):

რჩევა: საღამოს ფული ბანკში მიგაქვთ? დახურვამდე გაატარეთ „ნაღდის გატანა“ („ინკასაცია“) და უჯრაში ხვალინდელი ხურდა დატოვეთ — ის ხვალის „საწყისი ნაღდი“ იქნება.

დახურული დღეები

ბარათი „დახურული დღეები“: „Z №“, „გახსნა“, „დახურვა“, „მოსალ.“, „დათვლ.“, „სხვაობა“; ხაზი ან პრინტერის ხატულა ხსნის Z-რეპორტს ხელახლა დასაბეჭდად.

ავტომატური დახურვა 00:00-ზე

„პარამეტრები“ → „მაღაზია“ → „დღე ავტომატურად დაიხუროს 00:00-ზე“ — ღია დღე შუაღამისას დათვლის გარეშე იხურება (ნიშანი „ავტო“). ხდება მხოლოდ მაშინ, როცა მთავარი კომპიუტერი 00:00-ზე ჩართულია (თავი ქსელი და ბაზები).

ფისკალური აპარატის X და Z

აპარატის საკუთარი ანგარიშები — „პარამეტრები“ → „ინტეგრაციები“ → „ფისკალური აპარატი“ → „X-ანგარიში“ / „Z-ანგარიში“.