განახლებები

Activi Auto ახალ ვერსიას თავად ამოწმებს, მაგრამ თავისით არაფერს აყენებს — განახლებას იწყებთ თქვენ, მოსახერხებელ დროს.

როგორ გაიგებთ ახალ ვერსიაზე

პროგრამა ამოწმებს ჩართვისას და ყოველ საათში (ინტერნეტი სჭირდება). ახალი ვერსიისას (ადმინისტრატორი და მენეჯერი):

• ერთხელ ჩნდება ფანჯარა „ხელმისაწვდომია ვერსია …“ ცვლილებების აღწერით და ღილაკებით „მოგვიანებით“ და „განახლება ახლა“;
• ზედა ზოლის ქვემოთ რჩება შეტყობინება ღილაკით „განახლება“;
• იგივე ჩანს „პარამეტრები“ → „ლიცენზია“.

სავალდებულო განახლება ასეა მონიშნული და ყოველ ჩართვაზე ჩნდება („მოგვიანებით“-ის ნაცვლად — „დღის ბოლოს“); ის მაინც მხოლოდ თქვენი თანხმობით დგება.

ხელით შემოწმება: მენიუს ბოლოში — „Activi Auto v… · შემოწმება“.

განახლება ნაბიჯ-ნაბიჯ

1. აირჩიეთ დრო, როცა კლიენტი არ გელოდებათ (დღის დახურვის შემდეგ ან დილით).
2. „განახლება ახლა“ — ვერსია ჩამოიტვირთება (პროცენტით), შემდეგ „ინსტალაცია მიმდინარეობს — პროგრამა გადაიტვირთება…“.
3. დაახლოებით ერთ წუთში პროგრამა ისევ იხსნება — შედით ჩვეულებრივ.

განახლების დროს მთავარი კომპიუტერი ერთი წუთით მიუწვდომელია: სხვა სალაროები და ტაბლეტები აჩვენებს „კავშირის აღდგენა…“ და შემდეგ თავისით აგრძელებს.

მონაცემები

ბაზა Windows-ის მომხმარებლის საქაღალდეშია (%APPDATA%\CloudPos\data-cloudauto) — განახლებისას არაფერი იკარგება: ნაწილები, ნომრები, მანქანები, სერვის-ბარათები, ჩეკები, თანამშრომლები, ლიცენზია. თქვენი შესწორებული სერვის-ბარათები და დამატებული მარკები / მოდელები განახლებით არ იცვლება.

რჩევა: რამდენიმე კომპიუტერისას ჯერ განაახლეთ მთავარი, შემდეგ — დანარჩენი Activi Auto-ები. ბრაუზერით მომუშავე ტაბლეტებს განახლება არ სჭირდება — ისინი მთავარი კომპიუტერის ვერსიას ხსნიან (საჭიროებისას გვერდი განაახლეთ).

თუ განახლება ვერ მოხერხდა

• „განახლება ვერ მოხერხდა“ — შეამოწმეთ ინტერნეტი და სცადეთ ხელახლა.
• ჩამოტვირთეთ ინსტალერი activi.ge/download-დან (Activi-Auto-Setup-….exe) და გაუშვით ძველზე — მონაცემები ადგილზე დარჩება.