სალარო: ძიება, მანქანა, ნაწილის დამატება და გაყიდვა

გვერდი „სალარო“ გამყიდველის სამუშაო ადგილია. აქ ეძებთ ნაწილს, ირჩევთ კლიენტის მანქანას, ხედავთ რა ერგება მას და ყიდით. სალარო ჩვეულებრივ გაყიდვას ატარებს: მარაგი ჩამოიჭრება, თანხა სალაროს დღეში და ბუღალტერიაში ჩაიწერება, ჩეკზე კი მანქანა და თითოეული ნაწილის ბრენდი და ნომერი იბეჭდება.

ეკრანის ნაწილები

• საძიებო ველი („ნომერი, OEM, VIN ან დასახელება“, F2) — ეძებს აკრეფისას (თავი ძიება).
• მანქანის ჩიპი — „აირჩიეთ ავტომობილი · VIN · მარკა / მოდელი · კლიენტის მანქანა · F4“. არჩეულ მანქანაზე წერია მარკა, მოდელი, ძარა, ძრავი და წელი, ქვემოთ — სახელმწიფო ნომერი, VIN და კლიენტი; ✕ მანქანას ხსნის (თავი მანქანა და VIN).
• ჩანართები: „ძიება“ (ნაპოვნის რაოდენობით), „ერგება მანქანას“ (თავი რა ერგება მანქანას), „სერვისი / ზეთი“ (თავი სერვის-ბარათი და ზეთი); ბოლო ორი ჩაირთვება მანქანის არჩევის შემდეგ. თუ Laximo ჩართულია, ჩნდება მეოთხე — „ორიგინალი კატალოგი“ (თავი პარამეტრები და გარე კატალოგები).
• „გარბენი … კმ“ — მანქანის არჩევის შემდეგ ჩანართების გვერდით; ჩაწერილი გარბენი ჩეკზე იბეჭდება და კლიენტის მანქანაზე ინახება.
• მარჯვნივ — გაყიდვა: მომხმარებელი, ხაზები, ფასდაკლება, ჯამი და გადახდის ღილაკები.

ცარიელ სალაროზე ჩანს დიდი ღილაკი „ჯერ მანქანა — მერე ნაწილი“, „სწრაფი ძიება კატეგორიით“ (კატეგორიები, რომლებშიც ნაწილი გაქვთ, რაოდენობით) და სამი რჩევა: „ნომერი“, „OEM“, „VIN“.

ნაწილის ბარათი შედეგებში

• სათაური: დასახელება და ნიშანი, რით მოიძებნა („ნომერი“, „OEM“, „კროსი“, „შტრიხკოდი“); არჩეულ მანქანაზე — „ერგება ამ მანქანას“, „შეამოწმეთ ძრავი“ ან „ამ მანქანას არ ერგება“.
• კოდები: ბრენდი და ნომერი, სპეციფიკაცია (ზეთზე — სიბლანტე და მოცულობა), პირველი სამი OEM ნომერი.
• მარჯვნივ: ფასი და მარაგი — მწვანე „11 ც“, ან წითელი „არ არის“; თუ მომწოდებელს აქვს, გვერდით „მომწ. 20“ (მომწოდებლის ნაშთი მისი ფასების სიიდან).
• „+“ — გაყიდვაში დამატება (მხოლოდ მარაგში არსებულისთვის); მარაგში არარსებულზე ღილაკი სატვირთოს ხატულით — „შეკვეთა მომწოდებელთან“ (თავი შეკვეთა მომწოდებელთან).
• „ანალოგები · N“ — ყველა ნაწილი საერთო ნომრით: ჯერ მარაგში არსებული, შემდეგ იაფი. ჩანს სამი, დანარჩენი — „კიდევ N ანალოგი“. თუ თავად ნაწილი არ გაქვთ, ანალოგი კი გაქვთ — ზოლი „მარაგში არ არის — ანალოგი მარაგშია“.

გაყიდვა ნაბიჯ-ნაბიჯ

1. (სურვილისამებრ) აირჩიეთ მანქანა (F4) — და, თუ კლიენტი ცნობილია, მომხმარებელი („მომხმარებელი · არასავალდებულო · ნისიისთვის საჭიროა“).
2. მოძებნეთ ნაწილი ან გახსენით „ერგება მანქანას“ / „სერვისი / ზეთი“ და დააჭირეთ „+“.
3. გაყიდვის სიაში შეცვალეთ რაოდენობა „+“ / „−“-ით (ბოლო „−“ ხაზს შლის).
4. საჭიროებისას — „ფასდაკლება ₾“ (თანხით, უფლებით „ფასდაკლება“).
5. გადაიხადეთ: „ნაღდი · ზუსტი · F8“, „ბარათი · ტერმინალი · F7“ ან „გადახდა… · ხურდა · ნისია · F9“ (თავი გადახდა და ჩეკი).

ხაზზე ჩანს დასახელება, ბრენდი და ნომერი, გარანტია (თუ ნაწილს აქვს, მაგ. „6 თვე“) და ერთეულის ფასი. ჯამის გვერდით — ერთეულების რაოდენობა და მანქანის სახელმწიფო ნომერი.

შეზღუდვები

• მარაგზე მეტს ვერ გაყიდით: „+“ ჩერდება ნაშთზე („მარაგშია მხოლოდ …“). მარაგში არარსებული ნაწილი სალაროდან არ იყიდება — ჯერ მიიღეთ ის „მარაგში“.
• სამუშაოს (ხელობის) ხაზი არ არის: სალარო მხოლოდ კატალოგის ნაწილებს ყიდის; თავისუფალი ტექსტის ან მომსახურების პოზიცია აქ არ ემატება (თავი მაგალითი).
• ფასის შეცვლა სალაროზე შეუძლებელია — მხოლოდ ფასდაკლება; ფასი იცვლება ნაწილის ბარათზე.
• გადადება (hold) არ არის: ერთდროულად ერთი გაყიდვა იწყობა. გვერდის განახლებისას (F5) სია, მანქანა და მომხმარებელი არ იკარგება.

„გასუფთავება“ და „ახალი კლიენტი“

• „გასუფთავება“ — სიის წაშლა (დადასტურებით „გაყიდვის გასუფთავება?“). მანქანა და მომხმარებელი რჩება.
• „ახალი კლიენტი“ — ჩანს ცარიელ სიაზე, როცა მანქანა ან მომხმარებელი არჩეულია: ერთი დაჭერით ასუფთავებს მანქანას, მომხმარებელს, გარბენს და ძიებას — შემდეგი კლიენტისთვის.

გადახდის შემდეგ სია ცარიელდება, მანქანა და მომხმარებელი კი რჩება — იმავე კლიენტს კიდევ რამე რომ მიჰყიდოთ. ახალ კლიენტამდე დააჭირეთ „ახალი კლიენტი“ ან მანქანის ✕.

მომხმარებლის არჩევა

ღილაკი „მომხმარებელი“ ხსნის ფანჯარას „კლიენტი და მისი მანქანები — „იგივე მანქანა“ ერთი შეხებით“:

1. მოძებნეთ სახელით ან ტელეფონით (სიაში ვალიც ჩანს — „ვალი … ₾“), ან „ახალი მომხმარებელი“.
2. მარჯვნივ ჩანს მისი მანქანები — დააჭირეთ მანქანას: არჩეულია კლიენტიც და მანქანაც (გარბენით).
3. ან „ახალი მანქანა“ (გაიხსნება მანქანის არჩევა) ან „მანქანის გარეშე“.

რჩევა: ნისიით გაყიდვისთვის მომხმარებელი აუცილებელია. სხვა შემთხვევაში ის არასავალდებულოა, მაგრამ კლიენტზე ჩაწერილი ჩეკები მოგვიანებით მის ბარათზე ჩანს — ეს მანქანის ისტორიის ერთადერთი სიაა (თავი კლიენტები და მომწოდებლები).