რეკვიზიტები და ბეჭდვა: ხელშეკრულება, ქვითარი, პრინტერი, ფისკალური აპარატი, ტერმინალი და RS.ge

ყველაფერი ამ თავში არის „პარამეტრები“-ში (ადმინისტრატორი).

რეკვიზიტები

„პარამეტრები“ → „მაღაზია“:

• „მაღაზიის დასახელება“ — ლომბარდის სახელი (მაგ. „ლომბარდი „ოქროს გასაღები““); იბეჭდება ხელშეკრულებაში („გამსესხებელი“) და ქვითრის თავში, ჩანს შესვლის ფანჯარასა და მენიუში;
• „მისამართი“ — ხელშეკრულებაში (ადგილი და გამსესხებლის მისამართი) და ქვითარზე;
• „საიდენტიფიკაციო კოდი (ს/კ)“ — ხელშეკრულებასა და ქვითარზე;
• „ტელეფონი“;
• „დღგ-ს გადამხდელი“ — ბუღალტერიისთვის;
• „მხარდაჭერის კონტაქტები“ — ჩანს დაბლოკვის ეკრანზე.

შეცვლის შემდეგ — „შენახვა“.

შენიშვნა: ამ ბარათის ნაწილი მაღაზიის სალაროსთვისაა და ლომბარდზე არ მოქმედებს: „ჩეკის ბოლო ტექსტი“, „გადახდის მეთოდები“, „ავტომატური ჩეკის ბეჭდვა გადახდისას“, „დღე ავტომატურად დაიხუროს 00:00-ზე“, „ფასნამატი ახალ საქონელზე“. მარჯვნივ „ჩეკის პრევიუ“ მაღაზიის ჩეკს აჩვენებს — ლომბარდის ქვითარი სხვანაირად გამოიყურება (თავი სესხის ბარათი). ტელეფონი ქვითარსა და ხელშეკრულებაზე არ იბეჭდება.

რა იბეჭდება და სად

ქვითარი დაახლოებით 72 მმ სიგანისაა: თუ Windows-ის ნაგულისხმევი პრინტერი თერმული ჩეკის პრინტერია (80 მმ), ის ჩეკის ზომაზე დაიბეჭდება; ჩვეულებრივ პრინტერზე — A4 ფურცლის თავში.

რჩევა: ხშირად ორი პრინტერი გამოიყენება: თერმული — ნაგულისხმევად (ქვითრებისთვის) და ოფისის A4 — ხელშეკრულებისთვის, რომელსაც ბეჭდვის ფანჯარაში ირჩევთ.

ჩეკის პრინტერის ბარათი

„პარამეტრები“ → „ინტეგრაციები“ → „ჩეკის პრინტერი“ (USB თერმული, ქსელური, Windows-ის დრაივერით) მაღაზიის ჩეკებისთვისაა. ლომბარდის ქვითარი ამ პარამეტრს არ იყენებს: ქსელური (IP) პრინტერი და „ფულის უჯრა“ ლომბარდის ქვითარზე არ ამოქმედდება — პრინტერი Windows-ში უნდა იყოს დაყენებული.

ფისკალური აპარატი და ბარათის ტერმინალი

ბარათები „ფისკალური აპარატი“ და „გადახდის ტერმინალები“ იმავე გვერდზე ჩანს, მაგრამ Activi Lomb 2.38-ში:

• სესხის გაცემა, პროცენტი, დახურვა და დაკავებული ნივთის გაყიდვა ფისკალურ აპარატზე არ იგზავნება;
• გადახდის სახეებია მხოლოდ „ნაღდი“ და „ბანკით“ — ბარათით გადახდა ტერმინალზე ლომბარდის ფანჯრებში არ არის. თუ კლიენტი ბარათით იხდის, გაატარეთ როგორც „ბანკით“.

თუ ბუღალტერი ან კანონი ფისკალურ ჩეკს მოითხოვს (მაგ. დაკავებული ნივთის გაყიდვაზე), გაატარეთ ის ცალკე — ფისკალური აპარატიდან ან Activi POS-ით.

RS.ge — კლიენტის სახელი პირადი ნომრით

ბარათი „RS.ge — ზედნადებები და ანგარიშ-ფაქტურები“: „სერვის-იუზერი (su)“, „სერვისის პაროლი (sp)“ → „შენახვა“ → „კავშირის შემოწმება“. ამის შემდეგ კლიენტის ფორმაში „ძებნა“ პირადი ნომრით სახელსა და გვარს RS.ge-დან ავსებს (თავი კლიენტები). პაროლი დაშიფრული ინახება და სარეზერვო ფაილში არ გადადის.

სერვის-მომხმარებელი იქმნება RS.ge-ს პორტალზე. ის იგივეა, რასაც ბუღალტერია ზედნადებებისთვის იყენებს.