პროგრამის ფანჯარა: მენიუ, როლები, ზედა ზოლი და ცვლის ზოლი

ამ თავში აღწერილია მთავარი ფანჯარა: სად რა არის და რას ხედავს თითოეული როლი.

გვერდითა მენიუ

ოპერატორი ხედავს მხოლოდ სამუშაო გვერდებს: მიმოხილვა, სესხები, კლიენტები, სალაროები, საწყობი, სესხის პირობები და ჩემი პროფილი.

მენიუს ბოლოში ჩანს ლომბარდის სახელი, ბაზის სტატუსი („აქტიური · ლოკალური ბაზა“ ან „ქსელის ბაზა · …“) და ვერსია „Activi Lomb v2.38.0 · შემოწმება“ — დაჭერით პროგრამა ახალ ვერსიას ამოწმებს (თავი განახლებები).

შენიშვნა: ლომბარდში არ არის მაღაზიის გვერდები — „სალარო“ (ჩეკით გაყიდვა), „გაყიდვები“, „სალაროს დახურვა“ (X/Z), „ანგარიშები“, „პროდუქცია“, „მარაგი“. ლომბარდის დღე იხურება ცვლის დახურვით („სალაროები“), ანალიზი კი „მიმოხილვასა“ და ბუღალტერიაშია (თავი მიმოხილვა და ანგარიშები).

მენიუს ჩაკეცვა

ლოგოს გვერდით ღილაკი მენიუს სამ მდგომარეობას შორის ცვლის: სრული, ხატულები (ვიწრო ზოლი — ცხრილებს მეტი ადგილი რჩება) და დამალული (ზედა ზოლში ჩნდება ☰ „მენიუ“). არჩევანი ამ კომპიუტერზე ინახება.

ზედა ზოლი

მარცხნიდან მარჯვნივ: გვერდის სათაური; საათი და თარიღი (პროგრამის დრო — თავი პროგრამის დრო); დახმარება (სამაშველო რგოლი — თავი დახმარება); თემის შეცვლა (მთვარე / მზე); თქვენი სახელი და როლი („ჩემი პროფილი“); გასვლა.

ზოლის ქვემოთ საჭიროებისას ჩნდება შეტყობინებები: საცდელი პერიოდი ან ლიცენზიის ვადა („საცდელი პერიოდი — დარჩა 24 დღე…“ ღილაკით „ლიცენზია →“), ახალი ვერსია და (ადმინისტრატორისთვის) „ჩეკზე მაღაზიის რეკვიზიტები არ იბეჭდება — შეავსეთ…“.

ცვლის ზოლი

„მიმოხილვის“ და „სესხების“ თავში ყოველთვის ჩანს, რომელ სალაროში მუშაობთ:

• „ცვლა გახსნილია — მთავარი სალარო“ (მწვანე) — როდიდან და რამდენია სალაროში; ღილაკი „სალარო“ გადაგიყვანთ „სალაროებზე“;
• „ცვლა დახურულია“ (ყვითელი) — „ნაღდი ოპერაციებისთვის (სესხის გაცემა, გადახდა) გახსენით ცვლა“ და ღილაკი „ცვლის გახსნა“.

ცვლის გარეშე შეგიძლიათ დაათვალიეროთ ყველაფერი და ჩაატაროთ საბანკო ოპერაციები; ნაღდით გაცემა, გადახდის მიღება და გაყიდვა — არა. დაწვრილებით — თავი სალაროები და ცვლები.

მუქი თემა და სრული ეკრანი

მთვარის ღილაკი რთავს მუქ თემას, მზის — ღიას; არჩევანი ამ კომპიუტერზე ინახება.

F11 სრულ ეკრანს რთავს და თიშავს; რომ პროგრამა სრულ ეკრანზე საერთოდ არ გაიხსნას — „პარამეტრები“ → „სალაროს ვიზუალი“ → „ეკრანი“ → „სრულ ეკრანზე გაშვება“.

კლავიატურა და ძებნა

ლომბარდის გვერდებს საკუთარი მალსახმობები არ აქვს. მუშაობს:

ძებნის ველები ასოს აკრეფისთანავე ფილტრავს: „სესხებში“ — კლიენტი, პირადი ნომერი, ტელეფონი, ნივთი, IMEI ან სესხის ნომერი; „საწყობში“ — ნივთი, კლიენტი, IMEI, სერიული, ადგილი; „კლიენტებში“ — სახელი, პირადი ნომერი, ტელეფონი, მისამართი.

რჩევა: IMEI-ის ან სერიული ნომრის სკანერი ჩვეულებრივ კლავიატურასავით მუშაობს — დააჭირეთ ძებნის ველს და წაიკითხეთ კოდი.

შენიშვნა: პროგრამის ენა ქართულია; ენის ან შრიფტის ზომის ცალკე პარამეტრი არ არის.