დახმარება და Activi Remote — დისტანციური მხარდაჭერა

ღილაკი „დახმარება“

ზედა ზოლის სამაშველო რგოლი — „დახმარება“ — ნებისმიერი გვერდიდან უგზავნის შეტყობინებას Activi-ის მხარდაჭერას. ის ყველა თანამშრომლისთვის ხელმისაწვდომია.

1. „რას ეხება“ — „სალარო / ჩეკი“, „პრინტერი“, „ბარათის ტერმინალი“, „პროდუქცია / მარაგი“, „RS.ge“, „შესვლა / პაროლი“, „სხვა“. ლომბარდის საკითხებზე (სესხი, პროცენტი, სალარო, ცვლა) აირჩიეთ „სალარო / ჩეკი“ ან „სხვა“.
2. „რა ხდება“ — ორიოდე სიტყვით (მაგ. „სესხ №12-ზე ჯარიმა არ ჩანს“).
3. სამუშაო გაჩერებულია? — „სასწრაფოა — სამუშაო გაჩერებულია“.
4. „რომელ ნომერზე დაგირეკოთ“ — ლომბარდის ტელეფონი; შეცვალეთ საჭიროებისამებრ.
5. დაინსტალირებულ პროგრამაში ერთვის ეკრანის სურათი („არ დაერთოს“ — თუ არ გინდათ).
6. „გაგზავნა“ — „მოთხოვნა მიღებულია — დაგირეკავთ ნომერზე …“.

იგზავნება: ლომბარდის სახელი, პროგრამის ვერსია, Activi Remote-ის ნომერი (და ეკრანის სურათი); კლიენტების და სესხების მონაცემები — არა. გაგზავნას ინტერნეტი სჭირდება.

ყურადღება: ეკრანის სურათზე ჩანს ის, რაც ამ წამს ეკრანზეა. თუ ღიაა სესხის ბარათი iPhone-ის ნაჩვენები პაროლით ან კლიენტის მონაცემებით, ჯერ დახურეთ ის ან მონიშნეთ „არ დაერთოს“.

Activi Remote

ინსტალაციისას პროგრამასთან ერთად დგება Activi Remote. დახმარებისთვის დაგვირეკეთ და უკარნახეთ ამ კომპიუტერის ნომერი — თქვენი ნებართვის გარეშე ჩართვა შეუძლებელია („მიღება“). ნომერი ჩანს „დახმარების“ ფორმაში და „პარამეტრები“ → „ლიცენზია“ → „დისტანციური დახმარება“.

თუ პროგრამა ვერ მოიძებნა — დააყენეთ Activi Lomb ხელახლა ან ჩამოტვირთეთ Activi Remote.

შენიშვნა: დისტანციური დახმარება და ეკრანის სურათი მხოლოდ დაინსტალირებულ პროგრამაშია; ბრაუზერიდან მიმართეთ მთავარი კომპიუტერიდან.

შეცდომების ავტომატური შეტყობინება

გადამრთველი „შეცდომის შემთხვევაში ავტომატურად გვაცნობოს…“ (ადმინისტრატორი; ნაგულისხმევად ჩართული) — იგზავნება მხოლოდ შეცდომის ტექსტი, ვერსია და ლომბარდის სახელი.

სხვა გზები

• activi.ge — კონტაქტი, ინსტალერი (activi.ge/download);
• ელ. ფოსტა: info@activi.ge;
• საკუთარი IT-სპეციალისტის კონტაქტი — „პარამეტრები“ → „მაღაზია“ → „მხარდაჭერის კონტაქტები“ (ჩანს დაბლოკვის ეკრანზე).

რჩევა: დარეკვამდე მოამზადეთ Activi Remote-ის ნომერი, ვერსია (მენიუს ბოლოში, მაგ. „Activi Lomb v2.38.0“) და — თუ კითხვა სესხს ეხება — სესხის ნომერი.