ახალი სესხი: გირაოს მიღება — ოქრო წონით და სინჯით, ტექნიკა, iPhone, სხვა ნივთი

სესხი გაიცემა ერთი ფანჯრიდან — „ახალი სესხი“ („მიმოხილვის“ ან „სესხების“ ზედა ღილაკი). ფანჯარა ხუთი ნაწილისგანაა: კლიენტი, სესხის პირობა, ნივთი, (iPhone-ზე — ანგარიში), თანხა და პირობები.

ყურადღება: ნაღდით გაცემისთვის ჯერ ცვლა უნდა გახსნათ (თავი სალაროები და ცვლები) და სალაროში საკმარისი ნაღდი უნდა იყოს. ბანკით გაცემას ცვლა არ სჭირდება.

ნაბიჯ-ნაბიჯ: 10 გრამიანი ოქროს ბეჭედი

ნინო კვარაცხელიას მოაქვს 585 სინჯის ბეჭედი, 10 გრამი. ლომბარდი ფასობს 1 250 ₾-ად.

1. „ახალი სესხი“.
2. „კლიენტი“: აკრიფეთ სახელი, პირადი ნომერი ან ტელეფონი — ქვემოთ ჩნდება ნაპოვნი კლიენტები (პირადი ნომრით, ტელეფონით და „აქტიური სესხი: N“, თუ აქვს). დააჭირეთ სწორს. ახალ ადამიანს — „ახალი კლიენტი“ (თავი კლიენტები); თუ საძიებოში 11-ციფრიანი პირადი ნომერი აკრიფეთ, ის ფორმაში თავისით ჩაიწერება.
3. „სესხის პირობა“ — დააჭირეთ „ოქრო — 585 სინჯი“. ქვემოთ ჩნდება მისი წესები: „15 დღემდე — დღეების მიხედვით, 16-ე დღიდან — სრული პერიოდი“, „დაგვიანებისას 3 დღის შემდეგ ჯარიმა 0,3% დღეში“, „ადრე დახურვისას — მინიმუმ 10 დღის პროცენტი“.
4. „ნივთი“: „წონა (გრამი)“ — 10, „სინჯი“ — 585, „აღწერა *“ — ბეჭედი. სურვილისამებრ — „ფოტო“ (კამერიდან ან ფაილიდან, 12-მდე).
5. „თანხა და პირობები“: „შეფასება (₾)“ — 1250. „სესხის თანხის“ ქვეშ ჩნდება „მაქსიმუმ 1 000,00 ₾ (შეფასების 80%)“. დააჭირეთ „წონით“ — თანხა ხდება 10 × 100 = 1 000 ₾ (ფასი გრამზე პირობიდან; თუ ის შეფასების ზღვარზე მეტია, ზღვარი ჩაიწერება).
6. „პროცენტი 30 დღეში (%)“ — 5 (პირობიდან). „გაცემის თარიღი“ — დღეს. „ადგილი საწყობში“ — მაგ. სეიფი 1 · თარო A-3.
7. „თანხა გაიცემა“ — „ნაღდით სალაროდან“.
8. ქვედა ზოლში შეამოწმეთ: „30 დღეში: 50,00 ₾ · პირველი გადახდა …“ და დააჭირეთ „სესხის გაცემა“.

პროგრამა წერს „სესხი №7 გაიცა“, სალაროდან 1 000 ₾ აკლდება („სესხის გაცემა #7“) და იხსნება სესხის ბარათი (თავი სესხის ბარათი). იქიდანვე დაბეჭდეთ ხელშეკრულება და გაცემის ქვითარი. სესხის სიაში ნივთი ჩანს ასე: „ბეჭედი · 10 გ · 585 სინჯი“.

ამ სესხის შემდგომი ბედი — პროცენტის შეტანა 30-ე დღეს, დაგვიანება და დახურვა ჯარიმით — თავში სრული მაგალითი.

ნივთის ველები სახის მიხედვით

IMEI ზუსტად 15 ციფრია (ტელეფონზე *#06#), სხვაგვარად — „IMEI უნდა შედგებოდეს 15 ციფრისგან“. iPhone-ის ანგარიშის ნაწილი — თავი iPhone ტარების უფლებით.

შენიშვნა: ცალკე სახე ავტომობილისთვის პროგრამაში არ არის (VIN-ის, სახელმწიფო ნომრის ან ტექპასპორტის ველები). მანქანა გაატარეთ როგორც „სხვა ნივთი“: აღწერაში — მარკა, მოდელი, წელი, სახელმწიფო ნომერი; „ადგილი საწყობში“ — ავტოსადგომი; „შენიშვნა“ — სად ინახება ტექპასპორტი და გასაღები. თვიური პროცენტისთვის შექმენით ცალკე პირობა (მაგ. „ავტომობილი — თვიური“, თავი სესხის პირობები).

ფოტოები

„ფოტო“ ღილაკი იღებს რამდენიმე სურათს ერთად (სულ 12-მდე). პროგრამა თითოეულს ამცირებს 1 600 პიქსელამდე. ფოტოები ჩანს სესხის ბარათზე (დაჭერით — დიდად) და შეიძლება მოგვიანებით დაემატოს. ფოტოს წაშლა გაცემის შემდეგ შეუძლებელია.

თანხა და პირობები

ყურადღება: „გაცემის თარიღის“ შეცვლა წარსულში (ან მომავალში) შესაძლებელია და პროცენტი იმ თარიღიდან დაითვლება, ფული კი სალაროდან დღეს გავა. გამოიყენეთ მხოლოდ ქაღალდზე უკვე გაცემული სესხის გადმოსატანად.

ზღვრები და შეცდომები

პროგრამა სესხს არ გასცემს და ამბობს, რატომ:

„ხელით“ — პირობის გარეშე

პირობების ბოლოს არის „ხელით“ — „პირობის გარეშე — ტიპი და პროცენტი აქვე“. აირჩიეთ სახე და ჩაწერეთ პროცენტი. ასეთი სესხი ითვლება 30-დღიანი პერიოდით, ყოველთვის დღეების მიხედვით, საკომისიოს, საშეღავათო დღეების, ჯარიმისა და მინიმალური დღეების გარეშე, შეფასების ზღვრის გარეშე. ჯარიმა რომ დაირიცხოს, გამოიყენეთ პირობა.

გაცემის შემდეგ

გაცემულ სესხზე აღარ იცვლება თანხა, პირობები, კლიენტი, ნივთის აღწერა და შეფასება — თანხის ცვლილება ხდება მხოლოდ „ძირის მოკლებით“ ან „თანხის დამატებით“ (თავი პროცენტი, ძირი და დამატება). იცვლება მხოლოდ ადგილი საწყობში, ფოტოები და iPhone-ის ანგარიში. შეცდომით გაცემული სესხის წაშლა ან „გაუქმება“ შეუძლებელია — იხ. ხშირი კითხვები.