ხშირი კითხვები და პრობლემების მოგვარება

თუ პრობლემა აქ აღწერილი არ არის, გამოიყენეთ ღილაკი „დახმარება“ (თავი დახმარება და Activi Remote).

სესხები

„სესხის გაცემა“ არ მუშაობს — რა ვქნა?

წაიკითხეთ შეტყობინება ეკრანის ქვედა კუთხეში: „…ჯერ გახსენით ცვლა სალაროში“ — გახსენით ცვლა; „…საკმარისი ნაღდი არ არის“ — შეიტანეთ ფული ან გადარიცხეთ სხვა სალაროდან; „…შეფასების N%-ზე მეტი ვერ იქნება“ ან „მინიმალური / მაქსიმალური თანხაა“ — შეცვალეთ თანხა ან შეფასება; „აირჩიეთ ან დაამატეთ კლიენტი“; iPhone-ზე — „მიუთითეთ IMEI“ (თავი ახალი სესხი).

სესხი შეცდომით გავეცი (არასწორი თანხა ან კლიენტი). როგორ წავშალო?

გაცემული სესხის წაშლა ან „გაუქმება“ 2.38-ში შეუძლებელია — გაუქმდება მხოლოდ გადახდები. თუ ფული კლიენტს ჯერ არ გადასცემია, დაუკავშირდით მხარდაჭერას, სანამ რამეს შეცვლით; „სესხის დახურვა“ იმავე დღეს მინიმალური დღეების პროცენტსაც მოითხოვს. თანხის მცირე შეცდომა გაასწორეთ „ძირის მოკლებით“ ან „თანხის დამატებით“.

როგორ შევცვალო პროცენტი ან პირობა უკვე გაცემულ სესხზე?

ვერ შეცვლით — სესხი გაცემისას პირობას იმახსოვრებს და ის ხელშეკრულების ნაწილია. ახალი წესი ახალ სესხებზე იმოქმედებს. თუ კლიენტს ახალი პირობით სურს, დახურეთ ძველი და გაეცით ახალი.

როგორ გავუგრძელო კლიენტს ვადა?

„პროცენტის შეტანით“: კლიენტი იხდის პერიოდის პროცენტს და „შემდეგი გადახდა“ შემდეგ პერიოდზე გადადის (თავი პროცენტი, ძირი და დამატება). ცალკე ღილაკი „გაგრძელება“ არ არის.

30-დღიან სესხზე მე-16 დღეს უკვე მთელი თვის პროცენტი ირიცხება. ეს შეცდომაა?

არა — პირობაში წერია „15 დღემდე — დღეების მიხედვით, 16-ე დღიდან — სრული პერიოდი“. თუ ყოველთვის დღეებით გინდათ, დატოვეთ ველი „სრული პერიოდი ირიცხება … დღის შემდეგ“ ცარიელი (თავი სესხის პირობები).

კლიენტი 2 დღეში მოვიდა, მაგრამ 10 დღის პროცენტი ერიცხება

პირობაში „მინიმალური დღეები“ 10-ია: ადრე დახურვისას მინიმუმ 10 დღის პროცენტი გადაიხდება (მაგ. 260 ₾ 5% → 4,33 ₾).

ვადაგადაცილებულ სესხზე ჯარიმა არ ჩანს

• ჯერ საშეღავათო დღეებია (მაგ. 3 დღე) — ჯარიმა მე-4 დღიდან იწყება;
• პირობაში „ჯარიმა დღეში“ 0-ია;
• სესხი გაიცა „ხელით“ (პირობის გარეშე) — ასეთ სესხს ჯარიმა არ ერიცხება.

შემიძლია ჯარიმა ვაპატიო?

ცალკე ღილაკი არ არის. მიიღეთ ნაკლები თანხა „პროცენტის შეტანით“ — ჯერ ჯარიმა დაიფარება, დაუფარავი პროცენტი კი ვალად დარჩება (თავი ვადაგადაცილება და ჯარიმა).

კლიენტმა ქვითარი დაკარგა

სესხის ბარათი → „ამონაწერი“ → სასურველი ოპერაციის ქვითრის ღილაკი → „ბეჭდვა“. ხელშეკრულებაც ნებისმიერ დროს იბეჭდება.

ერთ სესხზე რამდენიმე ნივთი შეიძლება?

სესხს ერთი აღწერა აქვს: ჩაწერეთ ყველა ნივთი ერთად (მაგ. „ბეჭედი და საყურეები“), წონა — ჯამში, და დაამატეთ თითოეულის ფოტო (12-მდე). ცალკე დაკავება ან გამოსყიდვა ნივთობრივად მაშინ შეუძლებელია — თუ ეს გჭირდებათ, გაეცით ცალკე სესხები.

შემიძლია ავტომობილის ჩაბარება?

ცალკე სახე არ არის — გამოიყენეთ „სხვა ნივთი“ აღწერით (მარკა, წელი, სახელმწიფო ნომერი) და, თუ საჭიროა, თვიური პირობა (თავი ახალი სესხი).

უცხოელს პირადი ნომერი არ აქვს — როგორ დავარეგისტრირო?

2.38-ში კლიენტს 11-ციფრიანი პირადი ნომერი სჭირდება; პასპორტის ნომრით რეგისტრაცია შეუძლებელია.

„ძებნა“ (RS.ge) არ ავსებს სახელს

შეიყვანეთ RS.ge-ს სერვის-მომხმარებელი („პარამეტრები“ → „ინტეგრაციები“ → „RS.ge“) და შეამოწმეთ ინტერნეტი. მანამდე სახელი და გვარი ხელით აკრიფეთ.

სალარო და ცვლა

ცვლას ვერ ვხსნი

• „თქვენ უკვე გაქვთ გახსნილი ცვლა სხვა სალაროში“ — ჯერ ის დახურეთ;
• „ყველა სალაროში ცვლა უკვე გახსნილია“ — სხვა თანამშრომელმა უნდა დახუროს, ან მენეჯერმა დაამატოს სალარო;
• ღილაკი არ ჩანს — არ გაქვთ უფლება „დღის გახსნა / დახურვა“.

ოპერატორი წავიდა და ცვლა ღია დატოვა

მენეჯერი ან ადმინისტრატორი: „სალაროები“ → ის სალარო → „ცვლის დახურვა“ → დათვლილი თანხა. ლოგში ჩანს, ვინ დახურა.

სალაროში ნაღდი პროგრამის ნაშთს არ ემთხვევა

შეამოწმეთ სალაროს „ლოგი“ → „მოძრაობა“: ხომ არ გაიცა ან მიიღეს ფული სხვა სალაროს ცვლაში; ხომ არ გააუქმა მენეჯერმა გადახდა თავისი ცვლიდან (გაუქმების თანხა გამუქმებლის სალაროში აისახება); ხომ არ გადაიხადეთ ხარჯი „ხარჯების“ გვერდით (სალაროს ნაშთს არ ცვლის). თუ მიზეზი ვერ იპოვეთ, დახურეთ ცვლა ნამდვილი დათვლილი თანხით — სხვაობა დანაკლისად ან ზედმეტობად ჩაიწერება.

კლიენტი ბანკით იხდის

„პროცენტის შეტანა“, „ძირის მოკლება“ და „თანხის დამატება“ — აირჩიეთ „ბანკით“ (ცვლა არ სჭირდება). „სესხის დახურვა“ 2.38-ში მხოლოდ ნაღდით ხდება (თავი დახურვა და დაკავება). ბარათით გადახდა ტერმინალზე პროგრამაში არ არის — გაატარეთ როგორც „ბანკით“.

iPhone

iCloud-ის პაროლი არ ჩანს — მხოლოდ წერტილებია

პაროლის სანახავად საჭიროა უფლება „სესხის პაროლების ნახვა (iCloud, მაილი, კოდი)“ — მიმართეთ ადმინისტრატორს. ყოველი ნახვა ბაზაში იწერება.

ახალ iPhone-ის სესხს მაილი და ნომერი არ მიენიჭა

ფონდში თავისუფალი აღარ არის. „მაილები და ნომრები“ → „სიის ჩატვირთვა“, ან ჩაწერეთ მაილი და ნომერი ხელით სესხის „ანგარიშის შეცვლით“. დახურული და დაკავებული სესხების მაილები — „გათავისუფლება“ (თავი iPhone ტარების უფლებით).

საწყობი

ნივთი შეცდომით დავიკავე

დაკავება არ უქმდება — დაუკავშირდით მხარდაჭერას. ამიტომ დაკავება მხოლოდ მენეჯერის გადაწყვეტილებით ჩაატარეთ.

გაყიდვისას ჩეკი არ იბეჭდება

დაკავებული ნივთის გაყიდვა ჩეკს ან ფისკალურ ჩეკს არ ბეჭდავს — საჭიროებისას გაატარეთ ცალკე ფისკალურ აპარატზე (თავი საწყობი და გაყიდვა).

სხვა

კომპიუტერის საათი არასწორია — პროცენტი არასწორად ხომ არ დაითვლება?

არა, თუ ინტერნეტი არის: პროგრამა დროს დროის სერვერიდან იღებს და კომპიუტერის საათის შეცდომას ასწორებს (თავი პროგრამის დრო). შეამოწმეთ „პარამეტრები“ → „მონაცემები“ → „დრო“.

ნივთების ფოტოები ბექაპში შედის?

არა — ფოტოები მხოლოდ საქაღალდეშია loan-photos. დააკოპირეთ ის ცალკე (თავი ბექაპი).

შეუძლია პროგრამას კლიენტს SMS-ით შეახსენოს გადახდა?

2.38-ში — არა. გამოიყენეთ „მიმოხილვის“ სია „3 დღეში გადასახდელი“ და დაურეკეთ.

პროგრამა დაიბლოკა — „საცდელი პერიოდი დასრულდა“

მიაბით ლიცენზიის კოდი („პარამეტრები“ → „ლიცენზია“). მონაცემები და სესხები ადგილზეა (თავი ლიცენზია).