რესტორნის მართვის პროგრამა — დარბაზიდან სამზარეულომდე

რესტორანში ყველაფერი ერთდროულად ხდება: სტუმარი ელოდება, სამზარეულო ამზადებს, მიმტანი ანგარიშს ხურავს. პროგრამა ამ ქაოსს წესრიგში უნდა ალაგებდეს — არა პირიქით.

დარბაზი და მაგიდები

დარბაზის რუკაზე ერთი შეხედვით ჩანს, რომელი მაგიდა თავისუფალია, რომელზეა შეკვეთა და რომელი ელოდება ანგარიშს. რამდენიმე დარბაზი (ტერასა, VIP ოთახი) ცალ-ცალკე ჩანს.

შეკვეთა სამზარეულომდე ფურცლის გარეშე

მიმტანი შეკვეთას მაგიდაზე იღებს, ის კი მაშინვე ჩნდება სამზარეულოს ეკრანზე ან იბეჭდება სამზარეულოს პრინტერზე. ცხელი, ცივი და ბარი შეიძლება ცალ-ცალკე მიიღებდნენ თავიანთ პოზიციებს. შედეგი — ნაკლები დაკარგული შეკვეთა და სწრაფი მომსახურება.

რეცეპტები და ინგრედიენტები

ყველაზე დიდი დანაკარგი რესტორანში საწყობშია: როდის გათავდა ხორცი და რატომ. თუ კერძს რეცეპტი აქვს მიბმული, გაყიდვისას ინგრედიენტები ავტომატურად ჩამოიწერება საწყობიდან. თვეში ერთხელ დათვლა აჩვენებს რეალურ სხვაობას, ხოლო კერძის თვითღირებულება ყოველთვის ცნობილია.

ანგარიში და გადახდა

ანგარიშის დახურვა ნაღდით, ბარათით ან შერეულად; ფისკალური ჩეკი და ბანკის ტერმინალი პროგრამიდანვე. დღის ბოლოს — გაყიდვები, საუკეთესო კერძები და მოგება.

რა შეამოწმოთ პროგრამის არჩევისას

• მუშაობს თუ არა ინტერნეტის გარეშე (საღამოს პიკზე გათიშვა ყველაზე ცუდია);
• აქვს თუ არა სამზარეულოს ეკრანი ცალკე კომპიუტერზე ან ტაბლეტზე;
• ითვლის თუ არა რეცეპტით ჩამოწერას;
• უკავშირდება თუ არა RS.ge-ს და ფისკალურ აპარატს.

Activi Rest ყველა ამ მოთხოვნას ფარავს. მოითხოვეთ დემო — გაჩვენებთ თქვენი მენიუს მაგალითზე.